Tagged under:

ಹ್ಯಾಪಿ ವೋಟಿಂಗ್ ಡೇ

ಇವತ್ತು ಮೇ 5 . ಗೆಳೆಯೆರೆಲ್ಲ ಮತ ಚಲಾಯಿಸಲು ಆಚೆ ತೂರಿಕೊಂಡರೆ  ನಾನು ಮಾತ್ರ ಮನೇಲಿ :( .ಈ ಸಲವಾದ್ರೂ ಮತದಾನದ ಗುರುತು ಪತ್ರ ಮಾಡಿಸಿಕೊಳ್ಳಬೇಕು ಅಂತ ಕೊನೆವರೆಗೂ ರಿಮೈನ್ದರ್ ಇಟ್ಕೊಂಡಿದ್ದೆ . ಆದ್ರೆ ಡೆಡ್ ಲೈನ್ ಮಿಸ್  ಆಯ್ತು.  ಈ ವಿಷಯದಲ್ಲಿ ಈಗಲೂ ನನ್ನ ಮೇಲೆ ನನಗೆ ಕೋಪ ಇದೆ. ವೋಟಿಂಗ್ ಮಾಡದೆ ಇರುವ ನನಗೆ ಮುಂದಿನ 5 ವರುಷ ವ್ಯವಸ್ಥೆ ಬಗ್ಗೆ ಬೆರಳು ತೋರಿಸೋ ಹಕ್ಕಿಲ್ಲ. ಎನಿವೇ ಆಯ್  ಪ್ರಾಮಿಸ್ ಇದು ನನ್ನ ಕೊನೆಯ ಮಿಸ್. .
ವೋಟಿಂಗ್ ಬಗ್ಗೆ ನನ್ನ ಗೆಳೆಯರ  ಜೊಷ್  ನೋಡಿ ಹೆಮ್ಮೆ ಆಯ್ತು. ಯಾವಾಗಲೂ ಈ ದಿನ ಟ್ರಿಪ್ ನೆಪ  ಮಾಡಿಕೊಂಡು  ಬೆಂಗಳೂರಿನಿಂದ ಹೊರಗಡೆ ಉಳಿಯೋ  ಗ್ಯಾಂಗ್ ಈ ಸಲ ಕಣದಲ್ಲಿರುವ ಅಭ್ಯರ್ಥಿಗಳ  ಬಗ್ಗೆ ಚರ್ಚಿಸುತ್ತಿರುವುದನ್ನು ಗಮನಿಸಿ  ಹುಬ್ಬೆರಿಸಿದೆ. ವೊಟರ  ಐ ಡಿ ಇಲ್ಲದೇನೆ ಇರೋ ನನಗೆ ಛಿ ಥೂ  ಅಂತ ಉಗಿದು ನನ್ನ ಮೂಲೆಗುಂಪು ಮಾಡಿದ್ದೂ ಆಯ್ತು. . ಅವರ ಈ ವರ್ತನೆಗೆ ನನ್ನ ಫುಲ್ ಸಾತ್ ಇದೆ. ಪ್ರತಿಯೊಬ್ಬ ಪ್ರಜೆಗೂ  ವೋಟಿಂಗ್  ಕಂಪಲ್ಸರಿ ಅನ್ನೋದು  ಜಾರಿಗೆ ಬರಲೇ ಬೇಕು.
ನಮ್ಮ ಸದ್ಯದ ಬ್ರಷ್ಠ ವ್ಯವಸ್ಥೆ ನಮ್ಮನ್ನು ಜಾಗೃತ ಮಾಡಿದ್ದಂತೂ ಸತ್ಯ. ನಾವೆಲ್ಲ  ನಮ್ಮ ನಾಳೆಯದಕ್ಕಾಗಿ ಚಿಂತಿಸುತ್ತಿರುವುದು ಒಳ್ಳೆಯ  ಬೆಳವಣಿಗೆ . ಆದರೆ ಇದು ಬರೀ ಪ್ರಾರಂಭ . ಗುರಿ ತುಂಬಾ ದೂರವಿದೆ.  ಅಂದ ಹಾಗೆ ಈ ಸಲದ ಚುನಾವಣೆಯ  ಪ್ರಚಾರದ ಸಬ್ಯತೆ ನೊಡಿ ಖುಶಿಯಾಯ್ತು.  ಚುನಾವಣೆ ಹೆಸರಿನಲ್ಲಿ ಬೀದಿ ಎಲ್ಲಾ  ಬಿತ್ತಿ ಪತ್ರ ಗಳ ರಾಶಿ ಹರಡಿ ಧ್ವನಿ ವರ್ಧಕದ ಮೂಲಕ ಅರಚುತ್ತ ನಮ್ಮ ನೆಮ್ಮದಿ ಕದಡುತ್ತಿದ್ದ ಹಳೆಯ ಪದ್ದತಿಗೆ ತಿಲಾಂಜಲಿ ಹಾಡಿದ್ದಕ್ಕೆ ಹಾಟ್ಸ್  ಆಫ಼್ . ಜನರನ್ನು   ತಲುಪಲು ಈ ಸಲ  ಎಲ್ಲ ಪಕ್ಷಗಳು ಇ  ಮಾಧ್ಯಮವನ್ನು  ಚೆನ್ನಾಗಿ ಬಳಸಿಕೊಂಡಿವೆ. . ಫೆಸ್ ಬುಕ್ ನಲ್ಲಿ ಪಕ್ಷಗಳ ಭರವಸೆಯ ಜಾಹಿರಾತುಗಳಿಗೆ ಕೊರತೆಯಿಲ್ಲ. . 
ಇನ್ನು  ಮೇ 8 ಗೆ ಕಾಯುತ್ತಿದ್ದೆನೆ. . ನಮ್ಮನ್ನಾಳುವ ಪಕ್ಷ  ಯಾವುದು ಅನ್ನೋ ಕುತೂಹಲ  ಒಂದಾದರೆ, ಸರಕಾರ ರಚಿಸಲು ನಡೆಯುವ ಕಸರತ್ತು ಈ ಸಲ ಸುಲಭವಾಗಲಿ ಅನ್ನೋದು ಮತ್ತೊಂದು.  ಎನಿವೇ ಕಾಲವೇ  ಎಲ್ಲವನ್ನು ಹೇಳುತ್ತೆ.

0 comments: